உங்கள் கருத்து

    அறிவுப்புகள்

     

    மீடியாக்கள்

    பூண்டில் உள்ள மருத்துவ குணங்கள்!

    பூண்டு வெறும் சமையலில் பயன்படுத்தும் பொருள் மட்டும் கிடையாது. இதனுள் ஏராளமான மருத்துவ குணங்கள் அடங்கியுள்ளன.

    ஆன்டி வைரல், ஆன்டி பாக்டீரியல் மற்றும் பூஞ்சை எதிர்ப்பு மருந்துகள் என்று இதன் மருத்துவ தன்மை ஏராளம். ஒரு பூண்டு பல்லை உணவில் சேர்த்து வந்தாலே சாதாரண சளியில் இருந்து கொலஸ்ட்ரால் வரை சரி செய்யலாம் என்கிறார்கள் ஊட்டச்சத்து நிபுணர்கள். இதன் வாசனை வேண்டும் என்றால் சிலருக்கு பிடிக்காமல் இருக்கலாம். ஆனால் இதன் பயனை அறிந்த பிறகு யாரும் இதை வேண்டாம் என்று ஒதுக்க மாட்டார்கள்.

    இதை நம் உணவில் சேர்த்து வருவதால் நமது நோயெதிப்பு சக்தியை அதிகரிக்கிறது. வரலாற்று ரீதியாக பூண்டுகள் நோய்களைத் தடுக்கவும், தொற்றுநோய்களை எதிர்த்துப் போராடவும், காயங்களுக்கு சிகிச்சையளிக்கவும் பயன்படுத்தப்படுகின்றன. இதுபோன்று பூண்டில் உள்ள ஏராளமான நன்மைகள் குறித்து மருத்துவர்கள் என்ன கூறுகிறார்கள் வாங்க தெரிஞ்சுக்கலாம்.

    ​நோயெதிப்பு சக்தியை அதிகரிக்கும் பூண்டு

    அதே நேரத்தில் பல ஆராய்ச்சிகளும் பூண்டிற்கு நோயெதிப்பு சக்தியை அதிகரிக்கும் திறன் இருப்பதை ஒத்துக் கொள்கிறது. அதே மாதிரி மருத்துவர்களும் பல நோய்களுக்கு பூண்டு மாத்திரைகளை பரிந்துரைக்கின்றனர். வயதான பூண்டின் சாற்றை கொடுத்து ஆராய்ச்சி செய்த போது அவர்களின் நோயெதிப்பு திறன் அதிகரிப்பது தெரிய வந்துள்ளது. 21 முதல் 50 வயதுக்குட்பட்ட ஆரோக்கியமான பெரியவர்களுக்கு 90 நாட்களுக்கு பூண்டுச் சாற்றை கொடுத்தனர். பிறகு அவர்களை ஆராய்ச்சி செய்த போது பூண்டுச் சாற்றை பெற்றவர்களுக்கு சளி, காய்ச்சல், குளிர் காய்ச்சல் போன்ற உடல் பாதிப்புகள் குறைவது தெரிய வந்துள்ளது.

    ​​இதய ஆரோக்கியத்தை மேம்படுத்துகிறது

    பூண்டு இதய ஆரோக்கியத்தை மேம்படுத்துவதும் சமீபத்திய ஆய்வில் தெரிய வந்துள்ளது. இரத்த அழுத்தம் மற்றும் கொழுப்பைக் குறைப்பது, அத்துடன் தமனி விறைப்பு மற்றும் வீக்கத்திற்கான இரத்த புடைப்பு போன்றவற்றை போக்குகின்றன. இதய தமனி ஆபத்தை குறைக்க பூண்டுச் சாறு உதவுகிறது. இதனால் மாரடைப்பு, பக்கவாதம் வரும் ஆபத்துகள் குறைவு. எனவே அதிக கொழுப்புச்சத்து உள்ளவர்கள் பூண்டை உணவில் சேர்த்து வந்தால் கெட்ட கொலஸ்ட்ரால்கள் குறைய வாய்ப்புள்ளது. இது குறித்து மேற்கொண்ட புதிய ஆராய்ச்சியில் பூண்டு 8 சதவீதம் வரை கொழுப்பை குறைக்கும் ஆற்றல் இருப்பதாகவும், 50 வயதிற்குள் ஏற்படும் கரோனரி இதய பாதிப்பில் 38 சதவீதம் அபாயத்தை குறைப்பதாகவும் தெரிய வந்துள்ளது.

    ​உயர் இரத்த அழுத்தத்துடன் போரிடுகிறது

    உலகெங்கிலும், சுமார் 25% பெரியவர்களுக்கு உயர் இரத்த அழுத்தம் இருப்பது தெரிய வந்துள்ளது. இதனால் ஒவ்வொரு ஆண்டும் 7 மில்லியன் மக்கள் இறக்கின்றனர். எனவே இது குறித்து மேற்கொண்ட இரண்டு ஆய்வுகளிலும் பூண்டிற்கு உயர் இரத்த அழுத்தத்தை கட்டுப்படுத்தும் ஆற்றல் இருப்பது தெரிய வந்தது. எனவே உயர் இரத்த அழுத்தம் உடையவர்களுக்கு பூண்டு மாத்திரைகள் சிறப்பான ஒன்றாக இருக்கும்.

    ​பூண்டு புற்றுநோய்க்கு எதிரான அரண்

    அல்லியம் குடும்பத்தை சார்ந்த பூண்டில் ஏராளமான சல்பர் வகைகள் காணப்படுகின்றன. இதனால் இதற்கு புற்றுநோயை எதிர்க்கும் சக்தி உள்ளது. பூண்டில் இயற்கையாகவே உள்ள சேர்மங்கள் புற்றுநோய் செல்களை கண்டறிந்து கொல்கின்றன. மேலும் புற்றுநோயை வளர விடாமல் தடுக்கிறது. வயிறு, தொண்டை, புரோஸ்டேட் மற்றும் பெருங்குடல் உள்ளிட்ட பல வகையான புற்றுநோய்களின் அபாயத்தைக் குறைத்துள்ளன என்று ஆய்வுகள் தெரிவிக்கின்றன.

    ​மூளை செயல்பாட்டிற்கு உதவும் பூண்டு

    பூண்டு நம்முடைய மூளை நியூரான்களை பாதுகாக்க உதவுகிறது. இதன் மூலம் அறிவாற்றல் குறைப்பாட்டை குறைக்க முடியும். கற்றல் மற்றும் நினைவக ஆற்றலை அதிகரிக்கிறது. அல்சைமர் போன்ற மறதி நோயை விரட்ட உதவுகிறது என்கிறார்கள் ஊட்டச்சத்து நிபுணர்கள். எனவே உங்க மூளை ஆரோக்கியமாக இருக்க பூண்டை உணவில் எடுத்துக் கொள்ளுங்கள்.

    ​​பூண்டு நம் குடலுக்கு நல்லது

    பூண்டு ஒரு புரோபயாடிக் உணவு என்பதால் இது நம் குடல் ஆரோக்கியத்திற்கு சிறந்தது. வயதான பூண்டு சாறு குடலில் உள்ள பாக்டீரியா செயல்பாட்டிற்கு உதவி செய்கிறது. இதில் நன்மை அளிக்கும் நோயெதிப்பு சக்தி இருப்பதால் குடல் பாக்டீரியாக்களின் எண்ணிக்கையை அதிகரிக்கிறது.

    ​எலும்பு ஆரோக்கியம்

    பூண்டு கீல்வாதம் போன்ற மூட்டு பிரச்சினைக்கு தீர்வளிக்கிறது. வயதானவர்களை பாதிக்கும் முடக்கு வாதம் போன்ற பிரச்சினைகளை சரி செய்கிறது. கூட்டு குருத்தெலும்பு மற்றும் எலும்பு முறிவைத் தடுக்க தாவரத்தின் இயற்கை சேர்மங்கள் உதவுகின்றன என்று விஞ்ஞானிகள் நம்புகின்றனர்.

    ​​பூண்டை எப்படி உட்கொள்ளலாம்

    பூண்டு மாத்திரைகள் கிடைத்தாலும் அதை மருத்துவர்கள் பரிந்துரை இல்லாமல் சாப்பிடக் கூடாது. ஏனெனில் பூண்டு மருந்துகள் மற்ற மருந்துகளுடன் தொடர்பு கொள்ள நேரிடலாம். பூண்டின் அளவு அதிகமாக மாறும் போது செரிமான பிரச்சனைகள், தலைசுற்றல், தூக்கமின்மை, அதிக இரத்த போக்கு போன்ற பக்க விளைவுகள் நேரிட வாய்ப்புள்ளது.

    எனவே பூண்டை மருந்தாக எடுத்துக் கொள்வதற்கு பதில் அதை முழுமையாக எடுத்துக் கொள்ளலாம். பூண்டு பற்களை எடுத்து நசுக்கி அதை அப்படியே பயன்படுத்துங்கள். இதன் மூலம் பூண்டில் உள்ள சேர்மங்கள் என்சைம்கள் நமக்கு அப்படியே கிடைக்கும் என்று ஆராய்ச்சிகள் கூறுகின்றன. நசுக்கிய 10 நிமிடங்கள் கழித்து சாப்பிடுங்கள். அப்படி இல்லையென்றால் சூப், ஆலிவ் எண்ணெய்யில் போட்டு வதக்கியோ, குழம்பு போன்றவற்றில் போட்டோ பயன்படுத்தி வாருங்கள்.

    ​பூண்டின் கெட்ட துர்நாற்றத்தை போக்க என்ன செய்வது?

    இவ்வளவு நன்மைகள் தந்தாலும் பூண்டின் வாசனையால் சிலர் இதை தவிர்த்து வருகிறார்கள். எனவே பூண்டின் வாசனையை போக்க அதை சாப்பிட்ட பிறகு புதினா அல்லது பார்சிலி போன்ற மூலிகைகளை வாயில் போட்டு மெல்லுங்கள். இதனால் வாயில் ஏற்படும் கெட்ட துர்நாற்றம் நீங்கி விடும் அல்லது சில துண்டு ஆப்பிளை அல்லது கீரையை வாயில் போட்டு மெல்லும் போது பூண்டின் வாசனைக்கு காரணமான சல்பர் நடுநிலையாக்கப்படும்.

    கருப்பு பூண்டைக் கூட நீங்கள் பயன்படுத்தலாம். கருப்பு பூண்டில் சாதாரண பூண்டை விட 2 மடங்கு ஆக்ஸிஜனேற்ற பண்புகள் காணப்படுகின்றன. இது பார்ப்பதற்கு இருண்ட நிறத்துடன், மென்மையான இனிப்பு சுவையை கொண்டது. மேலும் இது உங்களுக்கு பூண்டு சுவாசத்தை வழங்குவதும் இல்லை என்று மருத்துவர்கள் கூறுகின்றனர். எனவே இவ்வளவு நன்மைகள் தரும் பூண்டை ஒதுக்காமல் உணவில் சேர்த்துக் கொள்ள முற்படுவோம்.

    119

    மேலும்

    மேலும்

    மேலும்

    மேலும்

    மேலும்

    மேலும்

    மேலும்

    மேலும்

    நினைவஞ்சலி

    மேலும் →

    சிறு துளி பெரு வெள்ளம். இலங்கையில் போரினால் பாதிக்கபட்ட தமிழர்களின் வாழ்வாதாரத்தை மேம்படுத்தும் பணிக்கு நீங்களும் உதவலாம் . பாதிக்கபட்டவர்களுக்கு ,நீங்கள் வழங்கும் அன்பளிப்புக்களை paypal மூலம் செலுத்த முடியும் . donate என்ற வார்த்தையில் க்ளிக் பண்ணுவதன் மூலம் நீங்கள் படிவத்தினை பூர்த்தி செய்து உங்கள் உதவிகளை வழங்கலாம். நீங்கள் வழங்கும் சிறு நிதியும் பெரும் உதவியாக அமையும். உங்கள் உதவிகளுக்கு மனப்பூர்வமான நன்றிகள். Small drop Big Flood To work to improve the lives of Tamils in Sri Lanka, you can help victims of war. Affected for contributors to provide you with paypal You can also pay by. by continuing to donate, click on the word You can help by offering you some money for you to fill out form will be of great help. Sincere thanks for your help.

     

    உதவும் கரங்கள் மூலமாக துவிச்சக்கர வண்டிகளை மாணவர் களுக்குவழங்குதல்.